Math o basta yw orzo; enw arall ar ei gyfer yw pasta reis.

Mae hwn yn mynd yn wych gydag unrhyw bysgodyn neu gyw iâr wedi’i grilio fel rhan o bryd barbeciw.

Mae o fyny i chi faint o’r cynhwysion yma hoffwch chi yn eich salad – ychwanegwch mwy o domatos neu mwy o barmesan i mewn os hoffwch chi!

Cynhwysion:

Tua 250g orzo

Llond llaw o domatos

85g berwr dŵr (watercress)

Llond llaw o berlysiau ffres (persli, basil, chives)

Parmesan ffres

Llwy fwrdd o olew olewydd

Sudd a zest 1 lemwn.

Dull:

1. Rhowch eich pasta i ferwi mewn dŵr hallt a choginiwch tan yn al dente; rhyw 8-10 munud.
2. Draeniwch y pasta yn dda a rhowch mewn powlen. Ychwanegwch yr olew, sudd a zest y lemwn a phinsiad o halen a phupur i mewn i’r pasta tra ei fod yn gynnes. rhowch i un ochr i oeri am tua 5 munud.
3. Torrwch y berwr dŵr a’r perlysiau yn fras cyn ychwanegu i’r orzo.
4. Torrwch y tomatos i mewn i ddarnau bach ac ychwanegwch y rhain i’r orzo hefyd.
5. Gratiwch tua llwy fwrdd o parmesan i mewn i’r orzo a chymysgwch y cyfan yn dda cyn gweini.