Pryd tapas sy’n ffordd neis efo asbaragws sydd yn eu tymor rŵan. Gweinwch efo wy wedi’i botsio i wneud pryd mwy swmpus.

Mae’r saws tomato a phupur yma’n wych gyda phasta hefyd.

I fwydo 2.

Cynhwysion:

Tua 250g o asbaragws

Paced o ham serrano (tua 80g) 

250g tomatos ceirios

1 pupur coch neu melyn

Teim ffres

Finegr sieri

Olew Olewydd

Dull:

1. Cynheswch ffwrn i 200gradd a gril i’r gwres uchaf posib.
2. Roliwch yr asbaragws yn yr ham (mae hanner sleis o ham yn ddigon i un coesyn asbaragws) a rhowch ar hambwrdd pobi wedi’i leinio efo papur greaseproof. Rhowch ychydig bach o olew olewydd dros y cyfan i helpu’r coginio.
3. Rhowch y tomatos a’r pupur mewn dysgl addas i’r ffwrn efo ychydig bach o olew a halen a phupur a rhowch o dan y gril i grasu am tua 10 munud.
4. Rhowch gynhwysion y saws unai mewn prosesydd bwyd neu hylifydd. Ychwanegwch lwy fwrdd o finegr sieri a halen a phupur i flas.
5. Coginiwch yr asbaragws yn y popty am 5-8 munud.
6. Gweinwch yn syth efo ychydig o fara.