Salad cynnes sydd, yn fy marn i, yn dod a’r gorau allan o bob cynhwysyn.

Mae sumac yn sbeis o’r dwyrain canol sydd efo blas sur. Mae’n mynd yn dda efo cyw iâr neu mewn tabbouleh. Mae o werth ei drio!

Mae’r picl nionyn cyflym yn cadw yn y ffrij am tua 4 diwrnod.

I fwydo 2.

Cynhwysion;

Pwmpen / butternut squash

200g mins cig oen

1/2 lwy de o tsili sych

1/2 lwy de o bowdr sinamon

1/2 lwy de o bodwr cumin

1/2 lwy de o sumac

Bwnsh o ddail persli ffres

Dail salad cymysg

Iogwrt naturiol plaen

Picl nionyn cyflym –

Nionyn Coch

Finegr Seidr

Dull;

1. Torrwch y butternut squash i mewn i ddarnau tua un fodfedd sgwâr gan gadw’r croen ymlaen. Rhowch ychydig o olew olewydd a halen a phupur drostyn nhw a rhostiwch mewn ffwrn gymedrol (tua 180gradd) tan eu bod yn feddal – tua 40 i 60 munud.
2. Nesaf, paratowch y nionyn. rhowch y nionyn wedi’i sleisio mewn powlen ac ychwanegwch lwy de o halen cyn cymysgu’r cyfan yn dda – bydd hyn yn tynnu dŵr allan o’r nionyn. Rhowch tua 3 i 4 lwy fwrdd o finegr dros y nionod a rhowch i un ochr i biclo.
3. Coginiwch y cig oen mewn padell ffrio sych ar wres cymedrol. Ychwanegwch y powdr tsili, y cumin, y sinamon, a halen a phupur. Coginiwch tan fod y cig oen yn troi’n grisp. Fe ddylai hwn gymryd tua 10 munud.
4. Cymysgwch y dail salad, y persli, y butternut squash rhost a’r cig oen crisp mewn powlen efo 2 lwy de o olew olewydd. Rhannwch ar blatiau a thopiwch gyda’r nionod, llwyed o iogwrt ac ychydig  mwy o’r sumac.