Dwi wrth fy modd efo’r rysáit vegan yma. Mae’n syml iawn i’w baratoi ac yn ofnadwy o flasus.  Mae’r rysáit yn gweithio orau os ydych chi’n socian y cnau dros nos.

Mae’r rysáit yma ar gyfer dau berson.

Cynhwysion;

80g o Basta Cyflawn

50g o gnau Cashew

200ml o ddŵr

100g o frocoli

1 sialotsyn neu nionyn bach wedi’i dorri’n fân

1 ewin o arlleg wedi ei dorri’n fan

1 llwy de o fasil sych

Halen a Phupur

Llwy fwrdd o olew olewydd

1 llwy fwrdd o gaws parmesan wedi ei gratio

Dull;

1. Rhowch y cnau mewn powlen a’u gorchuddio â dŵr oer.       Mae’n werth socian y cnau dros nos os yn bosib.
2. Wedi i’r cnau fod yn socian draenwch y dŵr a rhoi’r cnau mewn prosesydd bwyd, ac ychwanegu 200ml o ddŵr ffres a’u cymysgu nes eu bod fel hufen. Ychwanegwch y basil a chymysgu eto.
3. Llenwch sosban â dŵr berwedig ac ychwanegu’r pasta.       Coginiwch y pasta am 10 munud, wedi’r 10 munud ychwanegwch y broccoli at y pasta a choginio’r cyfan am 3 munud arall.
4. Tra mae’r pasta a’r brocoli’n coginio cynheswch yr olew mewn padell a ffriwch yr sialotsyn/nionyn a’r garlleg mewn padell am funud.
5. Pan mae’r pasta a’r brocoli’n barod, draenwch y dŵr ac ychwanegwch nhw i’r badell at y sialotsyn/nionyn a’r garlleg a chymysgu.
6. Arllwyswch yr hufen cashew ar y pasta a’r broccoli a chymysgu.
7. Ychwanegwch y parmesan a chymysgwch.

 

Mwynhewch!