Dwi wrth fy modd â granola cartref, mae mor syml i’w baratoi ac yn cynnwys lot llai o siwgr na’r granola sydd ar werth yn y siopau.  Dwi’n gweini granola â llefrith almwnd (gan nad ydw i’n hoffi llefrith) neu iogwrt, a lot o ffrwytha ffresh.

Cynhwysion

40g o gnau cashew

20g o hadau pwmpen

20g o hadau blodyn yr haul

30g o almonds

40g o gnau ffrenig walnuts

40g o gnau cyll hazelnuts

100g o geirch

20g o goconyt sych wedi ei dorri’n fan

1 llwy de o sinamon (opsiynol)

1 banana fawr

2 lwy fwrdd o maple syrup

Dull

1. Cynheswch y popty i 180 gradd.
2. Rhowch y cynhwysion i gyd heblaw am y sinamon, banana a’r maple syrup mewn prosesydd bwyd am ychydig eiliadau.
3. Rhowch gynnwys y prosesydd bwyd mewn i bowlen fawr.
4. Cymysgwch y banana, sinamon a maple syrup mewn prosesydd bwyd nes ei fod fel hylif.
5. Arllwyswch y fanana, sinamon a maple syrup dros y cnau, hadau a cheirch a chymysgu.
6. Rhowch y cynhwysion i gyd ar baking tray a’i roi yn y popty am 20 munud. Ar ôl 10 munud cymysgwch y cynhwysion.
7. Cadwch y granola mewn cynhwysydd airtight.