Dwi’n mwynhau’r crymbl yma i frecwast efo ychydig o iogwrt. Os ydych chi’n prynu iogwrt, prynwch un full fat. Mae bwydydd low fat fel arfer yn cynnwys mwy o siwgr, sydd ddim yn dda!  Dwi fel arfer yn coginio’r crymbl ar brynhawn dydd Sul, ac yn ei gadw yn yr oergell am ryw 3 neu 4 diwrnod ar gyfer brecwast.

Cynhwysion;

120g o geirch

120g o gnau wedi torri’n fân (unrhyw gnau yn iawn – dwi wedi defnyddio peanuts)

50g o hadau (unrhyw hadau yn iawn – dwi wedi defnyddio hadau pwmpen a hadau blodyn yr haul)

4 llwy fwrdd o flawd almwnd

80 ml o maple syrup a 2 lwy fwrdd o maple syrup ar gyfer y ffrwythau

3 llwy ffwrdd o olew cneuen goco

2 lwy ffwrdd o ddŵr

4 afal

150g o fafon

Dull;

1. Pliciwch a thorrwch yr afalau (peidiwch â defnyddio canol yr afal).
2. Rhowch y ffrwytha yn y sosban efo dwy lwy fwrdd o maple syrup a dwy lwy fwrdd o ddŵr. Rhowch y caead ar y sosban a choginio’r ffrwythau am rhyw chwarter awr neu tan maen nhw’n feddal. Yna rhowch nhw mewn powlen all fynd i’r popty.
3. Toddwch yr olew cneuan goco mewn sosban a’i gymysgu gyda’r 100ml o maple syrup.
4. Ychwanegwch y ceirch, cnau, hadau a’r blawd almwnd a’i cymysgu. Rhowch y cymysgedd ar ben y ffrwythau.
5. Rhowch y ffrwytha mewn dysgl ac yna rhoi’r cymysgedd cnau a cheirch ar ei ben a’u roi yn y popty ar wres o 160 am hanner awr.