Mae’r saws cyri yma yn debyg i’r saws ti’n cael mewn cyri katsu Siapaneaidd. Mae’r gair katsu yn cyfeirio at frest cyw iâr wedi’i ffrio mewn briwsion panko.

Mae’r peli twrci yma hefyd yn wych mewn bocs bwyd efo coleslaw ffres.

I fwydo 4.

Cynhwysion:

I’r peli cig –

   Mins twrci, 500g

   Briwsion bara, 50g

   Sinisir, llwy fwrdd wed’i gratio

   Pupur gwyn, pinisad

   Miso, llwy de

   Saws soy, llwy fwrdd

   Mêl, tua lwy fwrdd

   Hadau sesami, llwy de

Saws cyri –

   Winiwn, wed’i dorri

   Moron, wedi’i dorri

   Afal, wedi’i dorri

   Garlleg, llwy fwrdd wedi’i gratio

   Sinisr, llwy fwrdd wedi’i gratio

   Powdr cyri (mild), llwy fwdd

   Pupur gwyn, pinsiad

   Olew rapeseed, llwy fwrdd

   Saws soy, i flas

   Blawd plaen, llwy fwrdd

   Llaeth, 150ml

   Finegr reis / gwin gwyn, llwy de neu i flas

   2 spring onion, wedi’i slesio’n fân

Dull;

1. Cynheswch ffwrn i 200°c.
2. Rhowch y mins twrci mewn powlen cymysgu. Ychwanegwch y briwsion bara, y sinsir, miso, saws soy, pinsiad o halen a’r pupur gwyn a chymysgwch yn dda. Sipiwch i mewn i beli tua maint pêl ping pong.
3. Rowch y peli twrci mewn dysgl rhostio a choginiwch yn y ffwrn am 20 munud gan gofio i droi nhw bob hyn a hyn. Ar ôl yr 20 munud, tynnwch y peli allan ac ychwanegwch y mêl a’r hadau sesami. Rholiwch y peli yn y mêl a’r sesami  er mwyn gludo’r hadau cyn eu rhoi yn ôl yn y ffwrn am ddwy funud arall.
4. I baratoi’r saws cyri – coginiwch y nionyn, moron, afal, y garlleg a’r sinsir mewn llwy fwrdd o’r olew ar wres canolig tan yn feddal – tua 10 munud. Ychwanegwch y powdr cyri a choginiwch am funud i gael y blasau allan. Ychwanegwch y blawd a choginiwch am funud arall cyn ychwanegu’r llaeth yn raddol gan gymysgu. Ychwanegwch tua 500ml o ddŵr berwedig a choginiwch am 10 munud. Blaswch ac ychwanegwch y saws soy ac ychydig o finegr i flas. Defnyddiwch blendiwr llaw (stick/hand blender) i gael y saws mor llyfn â phosib.
5. Gweinwch y peli twrci gyda reis plaen a’r saws cyri ar yr ochr.