Dyma farinad Cajun syml, does dim angen prynu’r marinad maen nhw’n werthu yn y siopau pan y gallwch ei wneud eich hunain efo sbeisys sydd yn y cwpwrdd yn barod!

Mae’r rysait yma’n ddigon ar gyfer dau ddarn o gig neu bysgodyn.

Cynhwysion:

1 llwy fwrdd o baprica

1/2 llwy de o bowdr garlleg

1 llwy fwrdd o bupur cayenne (1/2 llwy fwrdd os ddim yn hoffi gormod o sbeis!)

1 llwy de o bupur

1 llwy de o oreganno

1/2 llwy de o deim

3 llwy fwrdd o olew olewydd

Dull:

1. Cymysgwch y sbeisys mewn powlen.
2. Ychwanegwch yr olew.
3. Gorchuddiwch eich cig neu bysgodyn â’r gymsgedd.
4. Rhowch yn yr oergell, wedi gorchuddio am oleiaf awr. Byddaf fel arfer yn eu gadael dros nos.
5. Coginiwch!