Mae betys yn wych! Llawn ffibr a gwrthocsidyddion, dwi’n credu dylwn ni fwyta fwy ohonyn nhw. Mae’r paciau o fetys sydd wedi’i choginio’n barod yn rhad ac mor gyfleus.

Dwi’n defnyddio caws bwthyn yn y rysáit yma gan ei fod yn isel mewn calorïau, ond fysa caws gafr yn mynd yn wych gyda blas y betys.

I fwydo 4.

Cynhwysion;

500g mins porc

300g betys wedi’i coginio

Un afal bwyta fawr (tua 100g)

Llwy fwrdd o rhosmari ffres wedi’i dorri’n fân

4 lwy fwrdd o gaws bwthyn

Letys

Mwstard

4 rôl Grawn Cyflawn

Dull;

1. Gratiwch yr afal a hanner (150g) o’r betys a ychwanegwch nhw i’r mins porc mewn powlen cymysgu gyda’r rhosmari ac ychydig o halen a phupur. Ffurfiwch i mewn i bedwar byrgyr.
2. Holltwch y rholiau a rhowch i gynhesu yn y ffwrn – tua 140 gradd c.
3. Cynheswch badell ffrio a choginiwch y byrgyrs ar wres canolig am tua 5 munud bob ochr mewn llwy fwrdd o olew.
4. Mae’n amser rŵan i adeiladu’r bygyrs. Dechreuwch efo ychydig o fwstard ar hanner waelod y rholiau, yna sleisys o fetys (neu sleisys o fetys wedi’i biclo), letys, y byrgyr a llwy fwrdd o gaws bwthyn.