Mae’r rysait yma’n gwneud digon i ddau.

Cynhwysion:

1 Pupur coch

1 Ewin o arlleg

1 Nionyn

1 Llwy de o deim

1 Llwy fwrdd o olew olewydd

5 Tomato

1 Tsili coch

100ml o Stoc Llysiau

Halen a Phupur

Dull:

1. Cynheswch y popty i 160 gradd.
2. Torrwch y pupur coch yn chwarteri, a chael gwared â’r hadau.
3. Tynnwch y croen oddi ar y garlleg.
4. Tynnwch y croen oddi ar y nionyn a’i dorri’n chwarteri.
5. Rhowch y cyfan ar hambwrdd pobi gyda’r olew olewydd a’r teim a’u rhoi yn y popty am 15 munud.
6. Tra mae’r rheini’n rhostio, torrwch y tomatos yn eu hanner.
7. Torrwch y tsili yn ei hanner a chael gwared â’r hadau.
8. Wedi i’r pupur, garlleg a’r nionyn fod yn y popty am 15 munud, ychwanegwch y tomatos a’r tsili, a’u rhostio am 15 munud arall.
9. Pan mae’r llysiau yn barod, rhowch y cyfan mewn prosesydd bwyd (dwi’n hoffi rhoi’r cawl yn y nutribullet, er mwyn sicrhau ei fod yn hollol llyfn) ac ychwanegu’r stoc, os ydych chi’n teimlo bod y cawl yn rhy drwchus ychwanegwch fwy stoc.
10. Ychwanegwch faint hoffech chi o halen a phupur.

Gallwch ei weini yn syth neu ei gadw yn yr oergell am ychydig ddyddiau.