Mae’r rhain yn grêt os nad ydych awydd rhywbeth rhy felys i frecwast. Maen nhw’n cadw mewn tun, neu focs am hyd at 5 diwrnod.  Maen nhw ar eu gorau os cânt eu cynhesu yn y microdon am ychydig eiliadau cyn eu bwyta!  Byddwch angen hambwrdd cacennau bach neu fyffins ar gyfer y rysáit yma.

Cynhwysion:

150g o flawd cyflawn

Pinsiad o halen

½ llwy de o sinamon

1 llwy fwrdd o olew cneuen goco

2 lwy de o extract fanila

1 banana aeddfed

1 llwy fwrdd o iogwrt groegaidd

100g o lys o’ch dewis chi.

1 llwy de o bowdr pobi

1 wy

12 cwpan myffin

Dull:

1. Cynheswch y popty i 170gradd.
2. Torrwch yr wy, a’i gymysgu â’r extract fanila, olew cneuen goco a’r iogwrt groegaidd.
3. Stwnsiwch y fanana, a’i hychwanegu at y gymysgedd wlyb.
4. Mewn powlen arall cymysgwch y blawd, halen, sinamon a’r powdr pobi.
5. Arllwyswch y gymysgedd wlyb at y gymysgedd sych a’i gymysgu’n dda.
6. Ychwanegwch y llys, a chymysgu eto.
7. Rhowch 12 cwpan myffin yn yr hambwrdd cacennau cyn rhoi llond llwy o’r cgymysgedd ym mhob cwpan, ceisiwch sicrhau eich bod yn rhoi’r un faint o’r gymysgedd ym mhob cwpan.
8. Rhowch nhw yn y popty am 20-25 munud, neu tan mae’r myffins yn dechrau brownio.
9. Gadewch iddyn nhw oeri ychydig cyn eu bwyta!