Dyma rysáit am Pad Thai syml, mae’r rysáit yma’n hawdd i’w baratoi ac yn grêt os ydych chi eisiau rhywbeth iachus a chyflym i’w baratoi yn ystod yr wythnos. Os nad ydych yn hoffi corgimychiaid gallwch ddefnyddio cyw iâr.

Mae’r rysáit yma’n gwneud digon i ddau:

Cynhwysion:

10 Sugar snap peas

1 tsili birds eye

Llond llaw o beansprouts

1 spring onion

½ moronen

1 ewyn garlleg

200g o nwdls reis

60g o gorgimychiaid mawr wedi’u coginio

2 lwy de o fish sauce

Llwy fwrdd o Soy Sauce

1 llwy de o fêl

Llond llaw o gnau (peanuts neu cashews yn gweithio) wedi’u torri’n fân.

2 wy

1 llwy fwrdd o olew olewydd

Dull:

1. Coginiwch y nwdls – dilynwch y cyfarwyddiadau ar y paced ar sut i’w coginio!
2. Sleisiwch y sugar snap peas, tsili, spring onion, garlleg a’r foronen.
3. Cymysgwch y fish sauce, soy sauce a mêl mewn powlen fach.
4. Cynheswch yr olew mewn wok neu badell fawr cyn ychwanegu’r llysiau wedi’u sleisio a’r beansprouts a’u ffrio am ryw bum munud.
5. Chwisgiwch yr wyau cyn eu hychwanegu i’r badell a’u cymysgu gyda’r llysiau.
6. Ychwanegwch y nwdls a’r corgimychiaid a chymysgu.
7. Ychwanegwch y gymysgedd soy sauce, fish sauce a mêl a chymysgu.
8. Cynheswch badell arall a thostwich y cnau wedi’u torri fan am tua munud, cyn eu hychwanegu at y Pad Thai.
9. Gweinwch a mwynhewch!