Rydym yn dod i ddiwedd y tymor sbrowts ac felly dyma rysáit syml sy’n dod a’r gorau allan o’r llysieuyn gwych yma sy’n yn cael ei bardduo mor aml. Gwych ar gyfer tapas syml efo wyau ffres wedi’i ffrio neu fel rhan o’ch cinio rhost.

I fwydo 2

Cynhwysion;

500g o sbrowts

100g o chorizo wedi’i deisio

Olew rapeseed / olew olewydd

Llwy de o baprika

Lemon

Halen a phupur

2 wy ffres

Dull;

1. Cynheswch y ffwrn i 210 gradd.
2. Piliwch a hanerwch y sbrowts a rhowch  cyfan mewn tin rhostio gyda’r chorizo, paprika, llwy fwrdd o’r olew, ac ychydig o halen a phupur.
3. Rhostiwch y cyfan am 15 -20 munud tan fod y sbrowts yn euraidd a’r chorizo yn grisp.
4. Gratiwch croen y lemon a gwasgwch y sudd dros ben y sbrowts.
5. Gweinwch gydag wyau wedi’u ffrio neu wedi’u potsio.