Mae’r crempogau yma’n hawdd i’w gwneud ac yn grêt ar gyfer brecwast blasus neu fel pwdin.

Mae’r rysáit yma’n ddigon ar gyfer 6 – 8 crempog.

Cynhwysion

150g o flawd buckwheat

1 llwy de o bowdr pobi

Pinsiad o halen

1 ŵy

150g o lus

½ llwy de o ecstract fanila

250ml o lefrith cyflawn organig

Maple Syrup

Menyn

 Dull

1. Cymysgwch yr halen, y blawd buckwheat, a’r powdr pobi mewn powlen.
2. Ychwanegwch y llefrith, yr ŵy a’r ecstract fanila at y cynhwysion sych a’u curo gyda chwisg.
3. Ychwanegwch ddwy lond llaw o lus i’r cymysgedd.
4. Taenwch fenyn ar hyd y badell, a’i rhoi ar wres canolig.
5. Arllwyswch y cymysgedd i’r badell, dylai’r cymysgedd roi o leiaf 6 crempog i chi. ‘Dw i’n tueddu i wneud crempogau sy’n rhyw 12cm o hyd, a 1cm o drwch.
6. Ffriwch y grempog am ryw funud a hanner pob ochr.
7. Gweinwch â maple syrup a gweddill y llus.

 

 

Mae’r gymysgedd yn cadw yn yr oergell am hyd at dri diwrnod.