Salad cynnes syml yn cynnwys rhai o fy hoff gynhwysion. Gallwch ddefnyddio unrhyw fath o ham, hyd yn oed parma ham.  Os hoffech gadw popeth yn llysieuol gallwch hepgor yr ham yn gyfan gwbl.

Digon i un.

Cynhwysion;

Ham hock wedi ei goginio – (tua 80g ond peidiwch â phoeni’n ormodol!)

Ffa Gwyrdd – llond llaw

Asbaragws – 4 picell

Stilton – 20g wedi’i grymblo (Unrhyw gaws glas yn iawn)

Dil – gwerth llwy fwrdd wedi’i dorri

1 ŵy

Dresin;

Llwy de o Olew Rapeseed / Olew Olewydd

2 llwy de o Finegr Seidr / sudd Lemon

Hanner llwy de o Fwstard (Dijon neu Wholegrain)

Halen a Phupur

Dull;

1. Coginiwch yr ŵy mewn dŵr berw am 5-6 munud. Yna rhowch yr wy dan dap dŵr oer am ychydig tan ei fod wedi oeri ddigon i blicio’r plisgyn. Rhowch yr ŵy i un ochr.
2. Cymysgwch gynhwysion y dresin mewn powlen fawr.
3. Berwch y ffa gwyrdd a’r asbaragws am 3 munud. Draeniwch y llysiau cyn eu hychwanegu i’r dresin.
4. Ychwanegwch yr ham, stilton, a’r dil i’r salad cyn cymysgu popeth yn dda.
5. Gweinwch gyda’r ŵy a mwynhewch!