Dwi’n aml yn cael y salad yma i ginio, byddaf yn ei baratoi ar ddydd Sul ac mae’n cadw yn yr oergell am ryw dri diwrnod.

Cynhwysion:

180ml o olew olewydd

1 llwy fwrdd o fêl

1 llwy fwrdd o wholegrain mwstard

Pinsiad o halen

Pinsiad o bupur

1 butternut squash wedi ei blicio a’i dorri’n ddarnau bach

1 dysen felys wedi ei thorri a’i phlicio’n ddarnau bach

1 foronen (reit fawr) wedi ei phlicio a’i thorri’n ddarnau bach

1 pupur coch wedi ei dorri’n ddarnau bach

1 nionyn coch wedi ei dorri’n ddarnau bach

Cwpan fach o quinoa

Llond llaw o pine nuts

Llond llaw o hadau blodyn yr haul (sunflower seeds)

Llwy fwrdd Soy Sauce/Tamarind

Opsiynol – brest twrci

Dull:

1. Cynheswch y popty i 200 gradd.
2. Rhowch y frest twrci yn y popty i goginio am 30 munud, neu tan mae’r cig wedi coginio trwyddo.  Pan yn barod torrwch yn ddarnau.
3. Cymysgwch y mêl, olew olewydd a’r wholegrain mwstard mewn powlen fawr.
4. Rhowch y butternut squash, y dysen felys a’r foronen yn y cymysgedd i socian am ryw funud. Wedi munud tynnwch nhw allan o’r cymysgedd a’u rhoi ar fwrdd pobi cyn eu rhoi yn y popty am ryw 20munud.
5. Tra mae’r uchod yn coginio rhowch y pupur coch a’r nionyn coch yn y cymysgedd i socian.
6. Wedi i’r butternut squash, y dysen felys a’r foronen goginio am 20 munud ychwanegwch y pupur coch a’r nionyn coch atyn nhw yn y popty a’u coginio am 10 munud arall.
7. Tra mae’r llysiau yn y popty coginiwch y quiona. Dilynwch y cyfarwyddiadau ar y paced.
8. Cynheswch badell ac ychwanegwch y pine nuts a’r hadau blodyn yr haul cyn ychwanegu llwy fwrdd o Soy Sauce neu Damarind a’u tostio am ryw funud.
9. Pan mae’r quinoa yn barod golchwch dan ddŵr oer.
10. Cymysgwch popeth mewn powlen a mwynhewch.