Byrgyr Ffa Du a Chnau Castan

“Black Bean & Chestnut Burger”

Oni (Tomos!) ffansi newid pethe a dod fyny efo fwy o ryseitiau llysieuol. Hwn yn ticio pob un bocs i fi. Mae barn pawb ar sut i adeiladu’r byrgyr delfrydol yn wahanol!! Yn bersonol os oes rhywun yn rhoi sos coch ar fy myrgyr i, mae o’n cael fflich at y wal agosaf! Ta beth…

Mae’r rysait yma’n gwneud digon ar gyfer 4 person.

Cynhwysion;

1 tun o Ffa Du Organig wedi ei draenio

1 pecyn 180g o gnau castan parod

2 Shibwn (Spring Onion) wedi eu sleisio’n fân

1 ewyn o arlleg

1/2 tsili Coch

1 a 1/2 llwy de o baprica wedi’i fygu

1 llwy bwdin o rosmari ffres wedi torri’n fân.

llond llaw o barsli

Zest un lemwn

3 llwy fwrdd o buckwheat cyfan / cous cous / quinoa wedi’i goginio.

Halen a phupur

4 rôl Grawn Cyflawn

Llon llaw o  letys wedi’i sleisio’n fân

Tomato mawr wedi’i sleisio’n drwchus

Winiwn wedi’i sleisio’n fân

Caws – yn fy marn i does dim byd yn curo’r sleisys rhad o gaws! Mae hi fyny i chi pa fath o i’w ddefnyddio.

Jalapenos mewn jar (dewisol)

Dull;

  1. Rhowch 2 dreuan o’r ffa du, pecyn cyfan o’r cnau castan, y garlleg, tsili, rhosmari, persli, paprica a’r zest lemwn mewn prosesydd bwyd ynghyd a phinsiad o halen. Cymysgwch tan ei fod yn weddol lyfn ac yna ei dywallt i bowlen fawr.
  2. Ychwanegwch weddill y ffa a’r buckwheat/cous cous/quinoa i’r cymysgedd a’i gymysgu cyn ei flasu i weld os oes angen fwy o halen a phupur.
  3. Rhannwch y cymysgedd yn 8 byrgyr tenau (gweler y llun, byrgyr dwbl!) cyn eu rhoi yn yr oergell am ryw hanner awr.
  4. Cynheswch badell ffrio ar wres canolig.
  5. Ffriwch y byrgyrs mewn llwy fwrdd o olew coco am ryw 10 munud pob ochr. Rydych chi eisiau creu crwst da ar du allan er mwyn rhoi gwead da i’r byrgyrs. Rhowch y caws ar ben byrgyrs i doddi ychydig.
  6. Ffriwch y winiwn yn yr un badell a’r byrgyrs am ryw 10-15 munud gan ofalu nad ydyn nhw’n llosgi.
  7. Cynheswch y rols yn y ffwrn (tua 4 munud mewn ffwrn 160 gradd c)
  8. Adeiladwch y byrgyrs fel y dymunwch! Dwi’n licio digon o winiwns, tomato ffres ac ychydig o letys.

DSC_0199[1]

Gadael Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out /  Newid )

Google photo

You are commenting using your Google account. Log Out /  Newid )

Twitter picture

You are commenting using your Twitter account. Log Out /  Newid )

Facebook photo

You are commenting using your Facebook account. Log Out /  Newid )

Connecting to %s