Mae’r peli ceirch yma’n gret os ydych awydd rhywbeth melys. Dw i’n ychwanegu siocled du. Pan yn prynu siocled du byddaf yn gwneud yn siwr fy mod yn prynu siocled du o ansawdd, sydd yn cynnwys o leiaf 70% o cocoa.  Mae’n well i chi na siocled cyffredin ac yn fwy maethlon.

Cynhwysion;

150g o geirch

50g o coconut wedi ei dorri’n fân

1 llwy de o cinnamon

Pinsiad o halan

2 wŷ

3 llwy fwrdd o olew coconut

80ml o maple syrup

70g o siocled du wedi ei dorri’n fân

Dull;

1. Toddwch dair llwy fwrdd o olew coconut.
2. Cymysgwch y ceirch, coconut wedi ei dorri’n , halen a’r cinnamon mewn powlen.
3. Cnociwch ddau wy, a’u hychwanegu i’r cymysgedd.
4. Ychwanegwch yr 80ml o maple syrup i’r cymysgedd.
5. Ychwanegwch yr olew coconut at y cymysgedd (gwnewch yn siwr bod yr olew wedi oeri).
6. Ychwanegwch y siocled.
7. Yna siapiwch y cymysgedd i beli bychain. Gwasgwch y cymysgedd i gael gwared ag unrhyw ormodedd o maple syrup.
8. Rhowch yn y popty ar wres o 160 am 30 munud.